تاج الأميرة .. عمل يدوي

مساء النور ♥ ♥ ♥

ايش في احلى من وقت ممتع تقضيه الام مع بناتها و اولادها

تشوف فرحتهم انها تفرغت وجلست معاهم 😥

راح يصيبهم نشاط و تشوق ويرتفع عندهم هرمون السعاده 😛

ممكن يزعجون الام بنشاطهم الزايد وحماسهم وممكن قربعتهم وحوستهم

لكن النتيجه للام مرضيه تماما والاهم النتيجه للطفلك

الشغل اليدوي لمن يتعاونو فيه الام وطفلها ، يعتبر مصلحه ومنفعه كبيره للطفل

من نفسيه ومن تركيز ومن تفريغ لطاقته و شعور بالانجاز و الرضى الذاتي واهم شي يتعلم من امه

الام في الوقت الي تكون متفرغه فيه لطفلها هو احسن وقت تعلمه اي شي وتلقنه اي درس

هو هذا الوقت

اللي يكون في الطفل مستعد للتعلم و التلقين

فنصيحتي لكل ام انها دايما تعطي وقت من يومها لطفلها تسوي معاه شي

اي شي

ما تتخيلون ابسط شي يعاونك فيه طفلك راح يكون في مصلحته

تمسيح ارضيات نظيف مطبخ ترتيب صاله تطبيق ملابس .. نشاطات كثيره ممتعه للطفل لانه مع امه

ومن النشاطات الكثيره .. الاشغال اليدويه

سويت مع بناتي تيجان يلبسوها

في احلى من التاج للبنات الاميرات

اخذت من الانترنت شكل جاهز للتاج وفي اشكال كثيره لو تكتبو

crown / tiara  template

حتطلع لكم اشكال تحتارو ايش تختارو

بحثت تيارا لاني حبيت الشكل ناعم اليق للبنات الصغيرات

واختارت بنتي هذا الشكل

1

بعد ما تختاري الشكل ، ممكن تطبعي الشكل او تنقليها بورق عادي او شفاف

انا نقلتها بورق عادي ،، حطيت الورقه عالشاشه ورسمت :3

2

عصر السرعه ياعالم ههههه

بعدين تثبتي الورقه الي رسمتي عليها بورق مقوى او كرتون خفيف على اساس تبدي تقصي بالمشرط

عشان يطلع معانا قالب التاج

3 4

بعد التقطيع واليد تيبست ههههههه

5

وعشان نعطي التاج أبهة ولمعان حنرش عليه جليتر ..

وعشان يثبت الجليتر تحتاجون بخاخ غرا 👌

8 9

بعدين يجي وقت اختيار كرستالات و اكسسوارات التاج وتثبيتهم

1011

واخر شي ثبت الورق المقوى على طوق قديم على اساس يصير قاعده له ويعيش وقت اطول

و النتيجه

13 12

14

جميلة جدا واجمل شي سعاده بنتي 💗

ان شالله الشرح واضح ،، مايحتاج العمل سهل وبسيط وممتع جدا

استمتعوا مع بناتكم

وان شا الله القاكم في عمل يدوي للاولاد 😘

4 أفكار على ”تاج الأميرة .. عمل يدوي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s