السلام عليكم 

اشتريت من جرير هذا البيت الكيووووت .. وقعت في غرامه من اول نظره ..

طبعا هو لمسه ديكوريه للمكان مش بيت حقيقي هههههه 

سعره ١٥ ريال 

هو مصنوع للاعمال اليدويه .. 

اذا تبغي تسوي فيه ديكوباج او ترسمي عليه او تعطي الاطفال يلونونه ..

انا قررت اسوي تغليف عادي بالورق .. 

صح الديكوباج اضمن يعيش معاكي ويتحمل اكثر .. 

لكن ماعندي غرا يكفي .. 

الي تحتاجي : 

بيت عصفور .

بخاخ غرا .

ورق ملون ، مزخرف .

مسطره .

قلم ٠

طبعا اهم شي عندنا القياسات عشان يزبط شغللك 

لكن مشكلتي انا ما احب شغل القياسات لكن عادي ضروري 

بس لابد لابد اسوي شي براصي فجاه بدون قياس فتحملوني ههههههه

بدا بالوجهيين الجانبيين لانهم اسهل شي 

اخذت المقاس اطول و العرض وقصيت علي المقاسات الورقه الي ابغاها .

بعد كذا بديت بالوجه وهو الي كان شايله همه .. 

بسبب العامود الصغير والفتحه الدائريه .. 

اخذت الورقه الي ابغاها للوجه وسويت فتحه X عشان يدخل فيها العامود 

بعدين رسمت على شكل سقف الكوخ شكل ٨ 

اللحين عاد جاكم شغل العشوائيه الي عندي  (╥︣﹏᷅╥)

ولابد يصير في زوايد بما انه بدون قياس ..

فعلمتها وقصيتها ..

بعد كذا جيت للفتحه الدائريه .. 

وقلبت الورقه ودخلتها مقلوبها .. وجبت قلم وشخبطت على اطراف

الفتحه حتى يبان شكلها مزبوط ..

الحمدلله النتيجه كويسه ..

بعد كذا نجي للسقف .. 

السقف سهل جدا .. 

جيبي ورقه وحطيها على السقف وعلمي حدود النهايه بالسفط ..

( ملاحظين رميت المسطره عرض الجدار (ㆆ_ㆆ)

وهذه الخطوات ..

وخليت القاعده نفس السقف ..

بعدين حطيت الجوانب و الوجه …

حصل عندي تخريب هنا ( ◡́.◡̀)

و بكذا خصلنا ..

ان شالله تكونو استمعتو والشرح واضح ..

القاكم على خير احبتي 

في أمان الله ..