عمل يدوي : ديكوباج بيت منديل

skitch

شغلنا اليوم ديكوباجي .. 

الديكوباج طبعا غني عن التعريف .. 

اشتهر بنتايجه الحلوه وتنفيذه السهل جدا .. 

وكل  ماصرتي مطلعه اكثر على خطوات تنفيذه .. 

صارت شغلته اسهل واسهل .. 

نبدأ بسم الله 

اشتريت علبه المنديل هذه من جرير 

1

ما اتذكر سعرها .. بس رخيصه .. 

وراح اسوي لها ديكوباج بالقماش ..

2

اخذت هذا القماش من محل خليج الامازون في الدمام .. 

حبيته مررررره في شغل الديكوباج .. لان القماش خفيف مررره .. 

فسهل يتخلله الغرا بسرعه وينشف بسرعه 

عموما الشغل بالقماش في الديكوباج اسهل بكثير من المناديل او اورق 

لانه مايتمطط معاكي ولا يتقطع ولايروح لونه .. 

اخذته نص متر ب٢٥ ريال اذا ماني غلطانه .. 

طبعا نحتاج غرا الديكوباج 

3

من الزامل في الخبر ب٤٠ ريال .. 

في كمان في جرير على ماسمعت .. 

7

نحتاج لون اكرليك ابيض او ابيج ..

بما ان قماشي خفيف لازم الون العلبه ..

لانه حيبان اللون من تحت القماش ويخرب عليا شغلي .. 

حيصير لون العلبه بعد التلبيس غامق ويخرب اللون الاصلي للقماش .

..

اول خطوه نجيب القماش نفرده ونقص قطع على مقاس المنديل ..

54

بعد كذا نلون البيت .. طبعا بسرعه تنشف الالوان الاكرليك ماراح تاخذ وقت 

6

8

بديت بالغطا ..

حطيت الغرا على كل السطح

9

وزعت الغرا بيدي وتاكدت ان السطح كله مغطى بالغرا 

وبعدين حطيت القماش 

10

زبطت المقاس عشان مايصير ناقص من الاطراف اول شي ..

وحطيت الغرا كمان فوق القماش 

وهذا الي يميز شغل الديكوباج ان الغرا يغطيه الشغل كله .. 

مو بس من تحت .. 

11

طبعا الطريقه اذا كنتي تشتغلي قماش .. 

اما اذا تشتغلي منديل  فلازم يصير شغلك سريع ورايق وهادي 

وتشتغلي جزء جزء لمن تحطي الغرا فوق المنديل عشان مايتقطع معاكي .. 

بالنسبه للفتحه اللي في النص راح نقصقص الفتحه زي كذا ..

12

ونحط غرا من قفا الغطا .. 

عشان لمن نعكف الزوايد تتثبت ونحط كمان فوقها طبقه غرا 

12

13

14

ونفس الفكره لاطراف الغطا لانها فيها ميلان .. 

104

15

بالنسبه للصوره الي فوق .. هذه الطبقه اللي في  الزوايا مانفعت 

تنفعك اذا تشتغلي منديل .. 

لكن مارضيت تثبت معايا .. 

فاقصيت الزوايد بدل ما اطبقها .. 

والعلبه تغطيتها سهله جدا .. 

تلفي عليها القماش وتثبته جهه جهه 

ان شالله ماتحتاجو شرح بالصور لاني ماقدرت اصور يدي كلها صارت غرا ><

( حوسه شغل اليد ، ممكن تشتغلي بالفرشاه بس عن نفسي اقدر اسيطر عالوضع بيدي خخخ )

16

من تحت حطيت قطعه تجليد عشان يصير شكلها مرتب ..

17

والنتيجه ..

19

كيوت مره .. 

20

21

لاحظو السطح يلمع وكانه لسا مانشف ( لكنه ناشف ١٠٠٪ 

لان الغرا نوعيته جلوسي في نوعيه ثانيه مطفي .. 

لونه اصفر مو احمر ومكتوب عليه matte

22

ومن تحت .. 

100

ان شالله اكون يارب نفعتكم لو شويه .. 

وان شالله اشوفكم في شغل ديكوباجي ثاني احبتي .. 

واعتذر عالتأخير في تنزيل تدوينه كان في مشاكل عندي في النت -ــ-

في أمان الله .. 

roses-divider-550

فكرتان اثنتان على ”عمل يدوي : ديكوباج بيت منديل

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s