clairefunny

السلام عليكم .. 

اليوم عندنا عبارة جديدة مو كلمه.. 

Damsel in distress 

damsel مأخوذة من الكلمه الفرنسيه مادموزيل والمقصود فيها الآنسة ..

و distress تعني الخوف او الهلع … 

هذه العباره كلاسيكيه تطلق على الانثى الجميلة  المخطوفه من قبل شرير او عدو ومالها حيله

 ومحتاجة مساعده الرجل الي يكون هو البطل المغوار .. 

ونشوفها في اغلب القصص التراثيه وافلام الكرتون وافلام الصراعات والعاب الفديو 

زي مثلا سنووايت والأميره النائمه في الكارتونات وغيرها كثير ..

و زيلدا وسوبر ماريو في العاب الفديو وغيرها ..

و نشوفها في الافلام كثييييير تكون البطله مخطوفه ومحتاجة مساعده ..

زي الاميره في فيلم حرب الكواكب و المهمة المستحيلة ٣ ، وفي كينج كونغ وغيره ..

ولايشترط ان يكون البطل حبيبها قد يكون والدها او قريب لها ..

وقد تكون القصه محورها هذا الوضع او حدث من احداثها ..

طبعا المرأه بحكم انها انثى فهي تحتاج مساعدة الرجل .. 

وايام زمان ايام الطيبين على قولتهم كانو مؤمنين بهذا الشي ..

عشان كذا كل القصص كانت تتمحور على الفتاه الي تحتاج مساعدة الرجل ..

الين بدايات القرن العشرين وبعدها بدا الوضع يتغير ..

خصوصا عند الاجانب ..

صار فيه مساواة بين المرأه و الرجل ..

وصارت هذه العباره مكروه جدا عند النساء في امريكا ..  

وانه المرأه خلاص معد تحتاج مساعدة الرجل وتقدر تدبر مشكلتها بنفسها .. 

حتى صارو ينتقدوا القصص و الافلام  .. 

انه هذا الفيلم  Damsel in distress سطحي وتافه .. 

وصارت اغلب افلام كرتونات الان او الافلام تروج لفكره 

ان المرأه تقدر تكون بطله وتخلص نفسها بنفسها وفي بعض الاحيان 

تكون هيا الي تحاصر الرجل او هي الي تساعده من مشكلته ..

ونشوف هذا الفكر في اغلب قصص ديزني الان .. 

مثلا في فيلم  enchanted  البطله في نهاية الفيلم بعد ماخطفته الساحره 

هي الي انقذته من مخالب التنين .. 

وفي Tangeld

هيا الي ربطته وصقعته عشرين مره بالصاج ههههه

…. 

و كـرداً على هذه المقوله .. 

انتجت شركة امريكيه خطا للنساء بأدوات دفاع للنفس .. 

اسمه 

Damsel in defense 

فتاة تحت الدفاع 

المقصود فتاه تدافع عن نفسها ولا تحتاجكم يالرجال هههه 

تبيع منتجات دفاع عن النفس زي بخاخ الفلفل 

وجهاز الضربات الكهربائيه .. 

منبه عالي الصوت تضغطه المرأه وقت خوفها حتى ينتبه لها الكل .. 

والمنتجات اشكالها كيوت محد يتوقع انها اشياء دفاع عن النفس .. 

————————–

هذا مافي جعبتي اليوم .. 

في أمان الله أحبتي ..