التسوق مع الاطفال …

من المواقف المعتاده الي نشوفها وتحصل لنا في السوق .. 

طفل يبكي منسدح عالارض ههههه .. 

او جالس  في نص السوق رافض يمشي مع اهله .. 

وتلاقي الام تتخدعه يقوم .. 

اجيب لك حلاوه .. 

اشتري لك لعبه .. 

تبغا عصير .. 

والطفل زي الصنم رافض او زي صفارة الانذار ههههه .. 

في الحقيقه  مافي ام تبغا تكون في ذا الموقف .. 

لكن غالبا يصير لكل ام .. 

فجأه تفقد السيطره .. هذا يجري .. هذا يبكي .. هذا ماخذ راحته يتمشى .. 

لكن صدقيني انك تحتوي المواقف الي زي كذا مو مستحيل و ممكن تحقيقه .. 

mom-with-toddler-supermarket-horiz

– قبل ما تطلعي مشوارك تأكدي ان طفلك مو جيعان ومافيه نوم .. لانه راح يكون 

نكدي وبينكد وبيبكي على أتفه شي وبيتعبك .. و عودي نفسك تكوني مرنه في 

جدولك .. يعني اذا اضطريتي تأكلي طفلك او مثلا اخذ غفوه وتأخرت الطلعه 

للمشوار لا تتنكدي وتعصبي .. حطي في بالك دايما انه فجأه ممكن يتغير جدولك 

بسبب الاطفال .. الله يحظفهم .

– شيلي معاكي سناك اذا ماقدرتي تاكلي طفلك قبل ماتخرجون .. لان 

الطفل الجيعان طفل متوحش ههههه .

– لا تخرجي من البيت بدون شي لطفلك الصغير يسليه ويلعب فيه .. اي شي 

خفيف ظريف ،، دفتر ستيكرات .. لعبه صغيره بأزرار .. 

– لا تتوقعي الهدوء و الكمال من اطفالك وانتي في السوق .. حطي  اسوء 

شي في بالك .. عشان تتفاجئي انهم مو مشاغبين لهالدرجة .. وخليكي مستعده 

لمغامراتهم واغصبي نفسك تتقبلي نشاطهم بمرح .. 

– دائما تكون الام تعبانه في تهذيب اطفالها وتأديبهم لكن تعبها يروح عالفاضي .. 

وتقعد شايله هم اطفالها النشيطين الجريئين في السوق .. 

ماعليكي من نظرات الناس او كلامهم مدام اطفالك قاعدين يمشون معاكي ومايسوون غلط بس 

كلامهم عالي معاهم حماس ونشاط واسئله كثيره هههههه .. 

– حطي قانون قبل ماتنزلو من السياره .. انه مافي احد يجري .. مافي احد 

يروح بعيد .. او يلعب بالمعروضات ..  

واللي مايسمع الكلام حددي عقاب .. وطبعا لازم لازم لازم تنفذين العقاب .. 

لانه كلنا عارفين اذا مانفذتيه ماراح تستفيدين من القانون وتصير الدنيا خبصه .. 

اللي مايسمع الكلام ممكن يرجع مع ابوه السياره .. او ماتشترين له شي يبغاه .. 

او اي عقاب تشوفينه مناسب لشخصيه طفلك .. 

– لا تنسين الطفل بطبعه فضولي ، كذا يتعرفون على كل شي حولهم ويفهمون ويتعلمون

اذا مسك شي يبغا يتفرج خليه يتفرج ويشبعه فضوله ، واذا الشي قابل للكسر نبهيه وساعديه يرجعه ..

اذا اشبعتي فضول طفلك في قطعه او قطعتين .. صدقيني المره الثالثه اذا قلتي له خلاص 

بنروح او مافي وقت راح يكون متقبل اكثر لانه اشبعه نصف فضوله وبالنسبه 

له استمتع واتونس .. 

– الاطفال الصغار يطفشون بسرعه .. فلما تخليه يساعدك يحط الاشياء في العربيه .. 

او مثلا تشغلينه وتقولين له دور معايا مثلا العصير الفلاني وزي كذا ..

– الطفل من عمر ٤ سنوات وفوق حلو تعطينه منشورات السوبر ماركت اذا طلعتي له

وتخلينه يدور بين الصور و المعروضات ايش تبغين .. كذا بينبسط وكانه في 

رحلة البحث عن الكنز .

– مكان المحاسب غالبا مكان مكروه عند الاهل خصوصا اذا كان في طابور

لان الاطفال يقعدون واقفين بدون شغله ولا مشغله .. ويبدا الدوران بلا هدف هههه

غير انه في اشياء عند المحاسب تلفت النظر ويبغا منها الطفل ودايما تكون حلويات 

مامنها فايده .. 

حلو في هذا الوقت تلعبين لعبة الحروف .. ايش الي يبدا بحرف الفلاني .. 

او ايش الشي اللي لونه اصفر مثلا .. و يكون شي موجود حولينكم .. 

————-

تذكري دائما .. طفلك مرآيتك .. 

اذا كنتي انتي هاديه وقت الزحمة والتوتر و العصبيه .. 

طفلك بيكون مثلك  .. 

واذا كنتي تعصبي وتغضبي  وترفعي صوتك وقت التوتر 

و الضغط طفلك بيكون زيك .. 

الله يحفظهم ويصلحهم يارب .. 

ان شالله تكونو استفدتو لو القليل .. 

في أمان الله احبتي .. 

– 

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s