++ حلول لمشكلة ديكوريه ++

السلام عليكم و رحمة الله وبركاته ..

من الاستشارات الديكوريه الي جاتني وقررت اكتب لها مقاله

 لكثره تفاصليها وحلولها

 عن صاله كبيره :

 ١-مساحتها ١٠ في ١٠ وجدرانها بيضا ..

٢- بشباك واحد غير مطل مباشره على الصاله ..

٣- فيها صبه ( عامود ) ..

و مي عارفه كيف تتصرف مع حجمها والصبه و قلة الاضاءة الطبيعيه ..

راح نمسك مشكله مشكله بالدور ونلاقي لها حلول وافكار تساعدها ان شاالله ..

راح نبدأ بمشكله الشباك الواحد فقط :

بما ان الاضاءه الطبيعيه ضعيفة وتكون الغرفه مكتومه .. من حسن حظها ان

جدرانها بيضا  لان اللون الابيض معروف طبعا

انه يوسع المكان ويشرح الصدر ويعكس الاضاءه ..

فالحل انها :

  • – تكثر ابجورات في كل ركن ، يعني فوق الطاولات الجانبيه وفوق الكونسول
  • و وابجوره ارضيه في الركن اذا مافي طاولات جانبيه , واذا ابجورات جداريه ..
  • قد ماتقدر تكثر اضاءه وتكثفها .
  • المرايات كمان ضروريه لتوسيع المكان .. لانها تعكس النور من اي زاويه
  • تحط مرايا كبيره في الجدار المقابل للشباك وراح تصير وكانها شباك ثاني ..
  • وبرضو اذا في كونسول وقدامه ابجوره كمان المرايا راح تعكس وتوزع اضاءتها ..
  • الارضيه تكون كمان بيضا، عاده الافضل تكون الارضيه اغمق بدرجة او درجتين من الجدران
  • لكن في هذه الحاله الافضل تكون الارضيه نفس درجة الجدران عشان زي ماقلنا
  • اللون الابيض يعكس الاضاءه فيصير المكان منور .

==============

مشكلة المساحة الكبيره واللون الابيض ..

المساحة الكبيره تعتبر ميزة كثير ناس تبغاها وتدور عنها ..

لانك راح تنسقي زي ماتبغين بدون ماتشيلي هم المساحة و الضيق ..

في تنسيقات كثييييره ممكن تنسقيها في الصاله الكبيره ..

والتنسيق راجع لك ولنظام حياتك ..

تبغي جلسه او جلستين ..

تبغي جلسه وطاوله طعام ..

تبغي جلسه ومكتب ..

تبغي جلسه كبار وجلسه اصغار مع العابهم وحوستهم ..

تبغي جلسه كنب وجلسه عربي ..

كله راجع لك ..

اما اذا تبغي تسوي جلسه على الجدران كلها ومافي شي في النص ..

هذا النظام مو عملي ابدا لان اذا صارو الناس جالسين يكونو بعيدين عن بعض ..

وكمان تضيع مساحة المكان على الفاضي ..

=======================

وهذه صور لتنسيقات جميلة :

c528794f10e8f7ed4896436496377d1b

تنسيق جميل  ..

الجلسة الكنب في الوسط ..

والكونسول عاليسار وجنبه كرسيين ..

وطاوله جانبيه مع كرسيين

الجلسه الي في النص بما انك صالتك حتكون كبيره ..

ممكن تختاري كنب كبير الحجم او تكثري قطع الاثاث ..

bdcb2db95776bfcce8b96423ef5b0cc6

هذا التنسيق مرررره حلو خصوصا اذا كان المطبخ قريب ..

طبعا تقدري تضيفي كونسول للجدار الي تحبي او طاوله جانبيه وكنبتين ..

مره عجبني هذا

6a7842df88eefddf9c132d2812fe15a7

ايش رايكم في هذا ..

طاوله الطعام والجلسه يفصل بينهم سوفا تيبل SOFA TABLE

اتوقع انها حلوه للصالات الصغيره ..

2c9c571475d63d76b3048a6f417142f6

هنا تنسيق حلو جلستين يفصل بينهم chaise ( الكرسي الطويل المنسدح هههه ) .

حلوة الاركان مره .. و الطاوله الجانبيه الدائريه الصغيره كيوت ..

4a833bfae8ba284046f69bea54191d2d

صاله بطراز انتقائي ..

حلوه وفي حاله الصاله الكبيره مره ممكن تحط كنب مفرد بدل الكرسيين ..

4c2180cad668cde6b900f9a0a6bb7c0a

هذه الجلسه مررره حلوه لصاله بيت واسعه مره ..

تملي الفراغ وتشيل وتجمع العيله ..

وطبعا تكون هذه جزء و الجزء ثاني طاوله طعام او او حسب رغبة صاحبة البيت

7af25335314b86a6514fd07bbd0242ac

هذا التوزيع مره حلووووو ..

ثلاث جلسات .. جلسه كانها نص دائره .. وجلسه كنب وكراسي

وجلسه مربع مفتوح ..

والمكان الفاضي في الوسط حلو يعطي وسع ..

8dab8869a1d4b3eade0b2debe2fab58e

كنبتين كبيره قدام بعض مره حلوة ومناسبه للصالات الكبيره ..

وكمان اللي عجبني في الصوره  وانصح الي تبغا تعطي اضاءه اكثر للمكان

المرايتين اللي ورا الابجورتين .. بطله

8df72b78d53a7492a54f21ac7467adba

هذا تنسيق مختلف وجديد ..

الجلستين مجمعين مع بعض ، جميل

9ae4172be4f3bd22308f4463d1499a27

جلسه وطاوله طعام ..

دققو في التفاصيل تفيدكم ..

91e1771badb4397937e700bbeb20eeb9

هذا التوزيع كمان مره عجبني للعيله ..

كنب على شكل حرف L و وراه صوفا تيبل SOFA TABLE

واكيد مقابل لها تلفزيون

وجنبه جلسه ثانيه للي مايبغا التلفزيون ..

عجبتني ..

5524d2bdfd4b1b39999e5fe821e8485b

ترتيب رااااايق ..

حبيت الكنبتين الملصقات في بعض ..

و sofa table اثنين على الجنبين ..

تنسيق فريد ..

01815484478b4436b3d03ec37fe99171

كنبتين بينهم sofa table رهيب هذا التنسيق ..

73313615646e610e4be2342174ee4e0d

اتوقع هذا افضل تنسيق ممكن يلهم اصحاب الصالات الكبيره ..

صحيح قطع الاثاث غير متناسقه لكن التوزيع بطل

a9a8debf8900e653c9c4ba57b0bbd9a3

جلستين موزعين بشكل حلو ..

وكمان الكونسول مانستغني عنه ..

d80315965615d4f062dfa7b3b5b1aeae

لطيف و مرتب ..

جلسات الكنبات الملاصقه للجدار حلوه مرتب ومناسبه ..

light-colored-walls1

اللي عجبني في هذه الصوره جلسه الاطفال ..

حلوه تتطبق في الصاله الكبيره ..

مشكلة الصبه ( العامود ) :

الصبه شكلها يقهر لكن  مالها حل الا انك تتكيفي تعيشي معاها هههه

في بعض الحالات تكون الصبه الجانبيه وقريبه من جدار ..

و في هالحاله تقدري تضيفي رفوف بين الصبه والجدار  و يصير شكلها جميل ..

traditional-living-room-dvd-storage-cabinets-add-wall-ideas-bookshelf-classical-column

مره حلوه ..

دولاب رف كتب او رف اكسسوارات ..

او حتى اذا المساحة تسمح تجيبي دولاب صغير يتحمل حوض سمك مناسب الحجم ..

c409cfbc2190f4f91437e03a15b5c5dd

خياليه الفكره ..

864967f4ef792df25e54bc0b95e32af5

فكره جميلة ..

على حسب عرض العامود في الصاله ..

تحطي له رفوف كبيره

f8905ef869e98a67787ce5baf21266e4

فكره عمليه وممكن تتطبق ..

14d379ed2af90fc7e83807e9e8c643b4

هذه ممكن تتطبق سهلة .. او ممكن تجيبي دولاب حجمه مناسب ..

في افكار ثانيه انك تجملي العامود

c1427b711885bba2c0fe3ec0b8ff9666

تسوي له ديكور .. هذا مرررررره شكله خورافي ..

2643ce8c729510eeb68ca3a94c42354d

هذه تحمست ولفته حبل هههههه 

ممكن اذا فصلتي كنب تاخذي نفس قماش الكنب وتلبسي العامود ديكوباج .. 

527656ef22c1d8b26d913479cc73378d

ممكن زي هذا الشي الكيوت .. رفوف صغيره واصيصات صغيره 

ترضبيها على العامود .. 

وفي الحالات الاخرى اعتبري العامود زي المقسم بين غرفتين ..

P1440200 Columns-Avis 2ece4872076aad07e58405295b58cad6 f405c9d9594113b10062bf350845274e

This-room-setting-has-concrete-all-over-the-place-floors-steps-columns-shelving-units-for-living-room-and-entertainment-unit-too SM_space1

ان شالله يارب الموضوع يكون مفيد لصاحبة السؤال

وغيرها من صاحبات الصالات الكبيره ام عامود ههههه

القاكم على خير احبتي

في امان الله  

دعواتكم لابي بالرحمة و المغفرة 

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s