عجلة الألوان ..

السلام عليكم و الرحمة الله وبركاته ..

السؤال اليومي الي الاقيه في الدايركت هو :

ايش اختار لون ؟

اختيار الالوان محد ينكر انه قرار صعب جدا وحساس ..

يا انك تحتاري بين مجموعة الوانها تحبيها ..

او انك تتردد بين مجموعه الوان ممكن ما تتماشي مع بعض !!

في ٣ قواعد مهمة جدا لازم تكوني على عارفتها ..

ولا زم تشيكي عليها قبل ما تختاري الوان اي غرفه

و مو بس  ديكورياً حتى  في لبسك ..

الثلاث قواعد

١- مكان الالوان في عجلة الالوان .

– التباين بين الالوان .

٣- تأثير الألوان على بعضها .

post-divider

Untitled-1

اماكن الالوان وعلاقتها في بعض ..

عجلة الالوان عادة نشوفها ب٦ الوان ..

لكن الي راح اشرحها اليوم  هي الافضل بالنسبه لنا طبعا لاننا كبار ههههه

هي الي راح تتعلمي عليها أو تختاري منها مجموعتك راح يكون فيها ١٢ لون ..

2

هي الالوان الرئيسيه الي لا يمكن انتاجها من مزج لونين ..

3

هي الالوان اللي تنتج من مزج لونين رئيسين ..

 الاصفر + الاحمر = برتقالي .

الازرق + الاحمر= بنفسجي .

الازرق + الاصفر = اخضر .

من واحنا صغار نعرفها لمن نلون او لمن نلعب بالصلصال .

Untitled-2

هي الي الالوان الي تنتج من مزج لون رئيسي + لون ثانوي

مثلا :

ازرق + اخضر = تركواز

اصفر + اخضر = اخضر ليموني .

اصفر + برتقالي = منجاوي

طيب ..

ليش ضروري تعرفي اماكن الالوان ؟

لانه اذا عرفتي اماكنها واي لون مقابل او مجاور للون الثاني

راح تصيري عارفه كيف التنسيق بينهم

عندنا ٥ طُرق نختار وننسق فيها مجموعه الوان ..

وتطلع لنا متناسقه بدون اي غلط ..

وهذه الطرق الأربعه هي الي تختاري طريقه وحدة بذوقك و تمشي عليها

اذا بتختاري الوان لغرفتك ..

الطريقه الاولى :

1

الطريقه الآمنه .. سهلة .. أنيقه .. التوازن فيها مؤكد

امسكي لون واحد واستخدميه باختلاف تدرجاته

طبعا بالإضافة للالوان المحايده ( ابيض- اسود-رمادي-بني-بيج)

تتطلب عرض الشرائح هذه للجافا سكريبت.

الطريقه الثانيه :

12

طريقه ثانيه سهلة جدا ..

تختاري لونين او ٣ ويكونون متجاورين في الدائره ..

ممتعه وجذابه وقريبه للنفس لانها من تدرجات الطبيعه ..

ولانها تدرج الالوان الطبيعي ..

حلو تستخدميه في غرفه تبغيها ملونه بس الالوان مترابطه ..

بعض الامثلة الجميلة :

الازرق و البنفسجي متجاورين في الدائره ..

الازرق و الاخضر  متجاورين في الدائره

الاخضر و الاصفر متجاورين في دائره الالوان

 

الاحمر و الاصفر متجاورين في دائره الالوان

 

الطريقه الثالثه :

7

هي الالوان المقابله لبعضها ..

مزج جميل بين الالوان المتضاده لون دافي و لون بارد ..

توازن نشيط و جريء ..

امثله جميلة :

الاحمر و الازرق متقابلين

والليموني و البنفسجي متقابلين ..

الطريقه الرابعه

90

اختيار لون واللونين الي حول اللون المقابل له ..

هذه الوان مكمله منقسمه ..

Untitleيd-3

الطريقه الخامسه :

8

تختاري ٣ الوان ويكون بينها عدد متساوي بحيث تكون موزعه حول الدائره ..

هالطريقه مو شرط تختاري الالوان الثلاثه كلها ممكن

بس تحددي لونين بعد ما تختاري الثلاثه ..

يعني في الدائره الي فوق جنب عنوان الفقره ..

ممكن تختاري الوردي و الاخضر والازرق ..

وممكن بس الوردي و الاخضر او الوردي و الازرق

وممكن الازرق و الاخضر ..

امثله للمجموعات : 

71836236e2fd26924e4abb82fbf6f781 copy

اختيار الالوان هنا من مجموعه الالوان المتماثله المتجاوره ..

5dea8f652b0164ee8b37c74fd0c56f51 copy

اختيار الالوان هنا من مجموعة الالوان الثلاثيه المتكامله

fbafcdfa2144f0ee5629a385b0195fdc copy

وهنا كمان من الالوان الثلاثيه المتكامله ..

اللحين بعد ما استعرضت كل الطرق ..

ما لاحظتوا ان الالوان كلها متناسقه مع بعض !!!

يعني اي لون اختاره ممكن اختار الي جنبه او الي قدامه اللي يبعد عنه بكم لون ..

يعني ماراح تغلطين في اختيار الالوان ابدا ..

طيب ليش مايزبط غالبا التنسيق وتحسين في غلط في الالوان ؟؟؟

انا اقولك ليش .. وهذه اهم فقره كثير ناس تغلط فيها ولا تهتم فيها

او بالاصح ما تدري عنها او يمكن ماتنتبه لها .. وهي

٧

٧

٧

post-divider

9

ضروري جدا تكون فاهمة التباين في اللون ..

اول لازم نعرف ان اللون له حالتين تأثر فيه تماما ..

وهي القيمة و التشبع بالانجليزي تسمى ( value – saturation )

اللحين كل لون يكون في حاله اساسيه وهي حالة اللون الاصلي

او خلونا نسميه  ــ لون متشبع ـــ

وهو اللون الساطع او الفاقع او القوي ..

122

هذه ثلاث الوان متشبعه .. اللون فيها كامل .. مو قليل مايل للرمادي او مايل للابيض او مايل للاسود .. لا لون حقيقي اصلي متشبع ساطع فاقع ..

اذا لعبنا في قيمته .. زودنا ابيض عليه او اسود .. تخيلي انك تلوني بالالوان المائيه

وتزيدي اسود او ابيض .. راح يتغير اللون .. اذا تتغير قيمته ..

يصير غامق او فاتح ..

122s

122w

اختلفت قيمة الالوان الثلاثه وكأنها الوان جديدة ..

ماغيرت في اللون ابدا بس غمقته وفتحته ..

واللحين بنلعب في تشبع الالوان نفسها .. نعيدها من جديد ..

122s copy

هنا لعبت في تشبع اللون .. اللي هو تقليل او تضعيف تواجد اللون ..

الي هو اضافه الرمادي ..

لاحظتوا صار اللون باهت .. او مطفي ..

هذا تغير التشبع

اذن  ..

قيمة اللون : غامق او فاتح

تشبع اللون : تواجد اللون قوي او باهت

بتغيير قيمة اللون او تشبعه بدل مايكون عندنا ١٢ لون يصير عندنا

الالاف الدرجات من الالوان ..

..

هذه الحالتين ضروري تحطيها في بالك و اول شي تركزي عليه في تنسيق

الوانك ..

الي التشبع فيه قليل مايجي ابدا مع الي التشبع فيه مرتفع ..

الباهت لازم معاه باهت ..

لانه كثيييير ناس تدمج لون تشبعه قوي مع لون تشبعه قليل ..

ويخرب مره في التنسيق ويطلع غير متناسق ابداً .

الفاتح لازم درجة قريبه منه ماتكون بعيده مررره ..

يعني غامق مره وفاتح مره تباين قوي ومزعج لأغلب الناس ..

122 ٢copy

في الصوره فوق درجات اللون المنجاوي ممتازه ..

لكن الازرق و الاخضر تدرجاتهم فاشله ..

الازرق حطيت درجة تشبعها قوي ودرجة تشبعها ضعيف ودرجة تشبعها كامل لكن اللون فاتح

والاخضر نفس الشي بس اخر دائره غامقه ..

تدرجات غير متناسقه ..

هنا صور اخذت الوانها ولاحظو كلها بنفس التدرجات

7cbf5e996aa840efe239b415aa444a6d copy

2707d93907df2209b934119f1c13570c copy

d03f968dffb59d2906bfbf0a328f03f2

لو لاحظتوا اللون الغامق لازم معاه لون ثاني غامق حتى يندمج معاه

هنا امثله لتدرجات غير مناسبه

be5c9a0d40f568c464509b5e2d0023f6

هنا في درجة تشبعها قليل اللي هو اللون السماوي خلفيه الستاره ..

وكذلك درجة البنفسجي ..

وفي لون تشبعه عالي ولون اصلي فاقع وهو الفوشي ..

غير متناسقين بدا ..

diy-teenage-girl-bedroom-ideas-different-decoration-on-bed-design-ideas

هنا تفاوت كبير بين الدرجات ..

مافي تدرج مريح ، الوان تباين بينها قوي ومزعج

في النهاية صوره توضيحيه ان شالله توضح الكلام السابق كله

value-scale

saturation-scale

post-divider

Untitledي-1

الالوان تأثر على بعضها وتكون شكل جميل او شكل بشع ..

دائما تصير تختارين لون في السوق ..

سواء لون بويا او لون قماش في خداديه او في مفرش او سجاده ..

وتروحين البيت تحطينها في الغرفه تطلع مختلفه وتسبب لك احباط ..

هذا لان الالوان تأثر في بعض ..

Untitled-3

في الصوره :

الازرق طالع بشكل مختلف مع كل لون خلفه ..

مع الاصفر مثلا طالع بارز لان الخلفيه فاتحة ..

مع البرتقالي طالع وكانه داخل لان البرتقالي غامق ..

مع الرمادي طالع وكانه باهت بعكس مع الاخضر ..

في بعض الالوان تبرز الالوان الثانيه وفي الوان تقلل تواجد الالوان الثانيه ..

يعني عندكم اللون الساطع كامل التشبع يقلل تواجد باقي الالوان ..

هو يبرز مايخلي شي واضح الا هو ..

الدرجة الباهت متعاون يبرز الالوان الثانيه ويحليها ويطلعها جميله ..

وطبعا زي ماذكرت قبل الساطع و الباهت مايجون سوا لانها متضادين ..

الالوان الدافئه تبرز  نفسها..

الالوان البارده لا  خجولة ..

فاذا حطيتي احمر وازرق سوا راح يبان الاحمر  اكثر ..

لو حطيتي اخضر وبنفسجي راح يبان البنفجسي ..

08a1ac8bb528079455097ef9611d7b82

هنا الاصفر لون دافي وهو البارز او الواضح اكثر ..

والكحلي من الالوان البارده وهي تبرز الالوان ..

89a0bb42ec92c7eae4d1ad4d4f8b4f11

تناغم جميل للالوان و الدرجات ..

0578ceb76c1554ad3d8f42f4a1cd213b

مع الاصفر موجود بشكل قليل لكنه واضح وبارز ..

خصوصا في السجاده لان خلفيه السجاده لون بارد يبرز الالوان ..

فالاصفر طالع واضح في المكان ..

post-divider

ان شالله يارب تتم الافاده لو بالقليل .. 

في أمان الله احبتي .. 

14 فكرة على ”عجلة الألوان ..

  1. لي فتره ادور موضوع كامل عن الالوان واخيرا جمعتي لنا بموضوع واحد ماشاء الله تبارك الله

    الله يبارك بوقتك وجهدك ومشكوره عالموضوع

    لكن عندي سؤال / كمبتدئات عجلة الالوان هل تباع بمكان معين ؟ بحيث تكون معي وقت الاختيار بالمحلات او انا اعملها عشان تسهل علي . وكيف الطريقه ؟!

    إعجاب

    1. الله يسعدك يارب ، دائره الالوان موجودة في جرير ، واذا تطلبي من الامازون موجوده بشكل افضل ، وكمان ممكن تطبعيها من النت ملونه او تطبعي الدائره وانتي تلونيها .

      إعجاب

  2. رغم إني قريت كثير في دائرة الألوان إلا إني لقيت عندك أشيائ جديدة علي وشرحك كثير واضح ^ـ^ جزاكِ الله خيرا

    إعجاب

  3. جزاك الله خير صراحة شرح وافي وكافي و واضح ومفيييييدة جداً جننتك يمكن على الإنستقرام بصور بيتي لكن بجد كان حسابك هو مرجعي الأول والأخير ساعدتني مواضيعك كثير وتستحق إعادة النشر والتدوين ❤

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s