ثقة طفلك بنفسه من ثقته بك

احترام الشخص للناس اللي حوله ..

خصله عظيمة وصارت نادره في عصرنا الحالي .. 

احترام الشخص للناس ينبع من احترامه لنفسه .. 

 

واحترامه لنفسه مايجي الا من حبه لنفسه .. 

ومايحب الانسان نفسه الا مع الثقه بالنفس والامان .. 

وهذه اهم خصلتين نهتم نعززها ونكبرها في اطفالنا .. 

 نقاط مهممممة جداً حبيت اعرضها لكم ..

ومن عنده المزيد مايبخل علينا في التعليقات .. 

8583739_xl

 

لا تكوني منافقه :

الطفل من ظهوره للدنيا وهو واثق بامه وابوه .. 

انك تكسبين ثقه طفلك شي سهل جدا جدا .. لكن انتبهي بسرعه ممكن تفقدينها 

ليش ؟

لان الاطفال برج مراقبه ، يراقبون كل افعالك واقولك ، بدون مبالغه يا امهات وا اباء، اطفالكم يراقبونكم 

بدون ماتحسون خصوصا من عمر ٧ سنوات وفوق .. 

فعشان تكسبين ثقة طفلك ولا تخسرينها ادبي نفسك قبل ما تأدبينه .. 

الي تقولين عليه يسويه انتي سويه كمان .. 

الي تمنعينه عنه لانه مضر مثلا او خطأ .. انتي كمان لا تسويه 

على الاقل مو  قدامه .. 

لانه مايحتاج اقول انك قدوته الاولى ( الام و الاب ) 

listen-to-your-child

– الاستماع : 

كثير للاسف يهمشون تعبير الطفل عن نفسه في بعض المواقف .. 

خصوصا  اذا كان غلطان وكانت الام ( او الاب ) في حالة غضب .. 

خليه يعبر عن نفسه خليه يسمع صوته .. 

وسبحان الله انتي اذا كنتي معصبه وسكتي عشان تسمعين كلامه .. 

راح تهدأين شوي شوي وكذلك طفلك ..

وصدقوني مع الايام  اذا صرتوا تعطون لاطفالكم فرصه يعبرون عن نفسهم .. 

راح تتعلمون الصبر بشكل سريع وراح تستمتعين فيه وتحسي بالراحة .. 

لانه خلونا صريحين كل ام بعد ماتهاوش طفلها وهي في حاله غضب جامح

يجيها شعور تأنيب الضمير و الندم ..

اسمعيه خليه يشوف انك تعطينه حقه وانك مهتمه .. 

هالشيء يقوي شخصيته كثييييير ويحسسه بالامان معاك ومين مايبغا هالشي ؟!!

 

8

-قدري مواقف الصدق فيه : 

اي موقف يتصرف فيها طفلك بصدق او بحنان او اي تصرف نبيل 

لا تقعدين تصفقين له مثلا ولا شاطر وحفله بزارين .. 

لا تعالي له بعد ماينتهي الموقف وقولي له 

اليوم ماشالله عليك كنت صادق او كنتي حنونه مع اختك 

ماشالله عليك كبرت ومن هالكلام ، تكلمي معاه كانك تكلمين شخص كبير 

عبري عن اعجابك وبالغي في الكلام وفي تعابير وجهك .. 

حتى يصدقك ومن اعجابك فيه راح يبني اعجابه في نفسه . 

mother-daughter-talk

– كوني صادقه معاه : 

الاطفال يحفظون كل شي ولا ينسون .. 

اي كذبه صغيره قلتيها عشان تسكتين طفلك وانتي مشغوله .. 

ماراح ينساها وبيذكرها لك بعد كم يوم 

و راح تتفاجئي انه مانسي !!

طبعا ماراح ينساها لانه سألك سؤال ويبغا اجابه 

والاجابه الي راح تعطينه اياها راح تكون ثمينه بالنسبه له .. 

وذاكره الاطفال جديده قويه ..

انتبهي لهذه النقطه لانه اذا صار طفلك يعرف ان الاجابات الي تعطيه اياها 

راح تغيرينها بعد يومين راح تنعدم ثقته فيك فتنعدم ثقته بنفسه ..

iStock mom talking with daughter

 – لا تخلفي الوعد : 

وعود الامهات وما ادراك ما وعود الامهات هههههه .. 

اكيد معذوره لو وعدتيه وعد وصارت الظروف عكس رغبتك 

طفلك راح يتفهم اذا شرحتي له وانتي حزينه انك اخلفتي وعده .. 

وزودي الدراما حبتين انك مره زعلانه ههههه الاطفال يتأثرون ماتتصورون قد ايش .. 

وممكن تنصدمي وتلاقي طفلك يواسيكي ..

لا توعدين وعود صعبه او تنفيذها يبغاله سياره ومشواير ههههه 

خلي وعودك بشي بسيط في البيت يحبه .. 

مثلا تبغينه يحل الواجب بتركيز اوعديه تقولين له قصه بتمثيل في الليل .. 

تبغينها ترتب الغرفه اوعديها تحطين لك مكياج وتنبطسون سوا .. 

الاطفال مايبغون اشياء صعبه .. الاطفال يبغون متعه 

والمتعه نقدر نوفرها لها بأبسط الاشياء لانهم الاطفال بسطاء

تنفيذك لوعده يحسسه بوجوده وبكيانه وباهتمامك به .. 

وفي الاخير ما انسى اقول اهم نقطه .. 

عبري عن حبك .. 

مو بس بفعل .. 

مو بس بقول .. 

لا عبري عن حبك قول و فعل .. 

طفلك قطعه منك لا تخسرينها .. 

 

5488d952bdbac_-_rbk-12-bondingkids-kiss-xln

فكرتان اثنتان على ”ثقة طفلك بنفسه من ثقته بك

  1. شكرا على هذه التدوينة وهذه المعلومات … التربية صراحة يبغى لها صبر … قبل ما انجب كنت اتوقعها سهلة وبعد اطفالي .. حسيت بصعوبتها … شكرا لك أفدتيني كثير … اعجبني فقرة الوعد ،،،:)

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s